Minħabba li t-trasport jikkontribwixxi madwar 5 % tal-PDG tal-UE u jimpjega aktar minn 10 miljun persuna fl-Ewropa, is-sistema tat-trasport hija kritika għan-negozji Ewropej u għall-ktajjen tal-provvista globali.
Fl-istess ħin, it-trasport għandu l-prezz tiegħu għas-soċjetà tagħna:
- l-emissjonijiet ta’ gassijiet serra u l-emissjonijiet ta’ inkwinanti
- l-istorbju
- il-ħabtiet fit-toroq u l-konġestjoni
Illum, l-emissjonijiet tat-trasport jirrappreżentaw madwar kwart tal-emissjonijiet totali tal-Gassijiet Serra tal-UE.
Il-Kummissjoni Ewropea fasslet strateġija komprensiva għall-mobilità, li tidentifika l-istadji importanti għal futur intelliġenti u sostenibbli u 10 oqsma ewlenin għal azzjoni biex il-viżjoni ssir realtà.
Din l-ispinta fit-trasformazzjoni tat-trasport ġiet fi żmien meta s-settur kollu għadu qed jirkupra mill-impatti tal-coronavirus. B’żieda fl-investiment pubbliku u privat fil-modernizzazzjoni u fl-ekoloġizzazzjoni tal-flotot u tal-infrastruttura tagħna, u bit-tisħiħ tas-suq uniku, issa għandna opportunità storika biex nagħmlu t-trasport Ewropew mhux biss aktar sostenibbli iżda wkoll aktar kompetittiv globalment u aktar reżistenti għal kwalunkwe xokkijiet futuri.
Evoluzzjoni ekoloġika: ħadd ma jitħalla barra
Madankollu, din l-evoluzzjoni ma għandha tħalli lil ħadd barra:
- huwa kruċjali li l-mobilità tkun disponibbli u affordabbli għal kulħadd
- li r-reġjuni rurali u remoti jibqgħu konnessi
- li s-settur joffri kundizzjonijiet soċjali tajbin u jipprovdi impjiegi attraenti
Il-modi kollha tat-trasport jeħtieġ li jsiru aktar sostenibbli, b’alternattivi ekoloġiċi disponibbli b’mod wiesa’ u bil-ħolqien ta’ inċentivi tajbin biex jixprunaw it-tranżizzjoni. Stadji importanti konkreti se jżommu l-progress tas-sistema Ewropea tat-trasport fit-triq it-tajba lejn futur intelliġenti u sostenibbli.
L-Istrateġija għall-Mobilità tal-Kummissjoni Ewropea
Agħti ħarsa lejn il-pakkett ta’ informazzjoni ppubblikat mill-Kummissjoni Ewropea: